وين تغديت - تجربة مطعم نسمة بحر سوريا اللاذقية

في نقل حرفي لاجربة شخصية ....

اجيت اجازة بعد غياب طويييل 💖 اجتمعو اهلي و عزموني ع مطعم  اسمو نسمة بحر  قلتلن انا ما بشبع بالمطاعم ما بحس الاكل فيه بركه بس اصرو و ماكنت  خجلتن
شو بدي احكي مبعرف
يعني عنجد الذوق و الاخلاق  بيغلب كل شي
اول شي لفتني بهالمطعم ذوقن و احترامن للزبون
المكان كتير مريح و رايق و بطل عالبحر  ما بقا كان الي قلب اطلع هههههه
انا بموت بالشيش و البرك بالجبنه طلبنا شيش و كباب و مقبلات
و طلب صهري كنافه كمان وصلت سخنه و بتشهي اكلتلو منا 😁
الاكل كان كتييير طيب و (((سخنننن)))  البطاطا و المشاوي كانت متل النار اكتر شي عجبني انو كنا  كتار و الاكل وصل سخن بنفس اللحظه
حبيت كل شي و شبعتتت 🙌😁✊

الفاتوره ما دفعت بس كان الوالد مبسوط لما دفع و قلنا انو كان حاسب حسابو اكتر و تفاجأ بالسعر
الخدمه رائعه ١٠/١٠و النظافه ١٠/١٠ و جو المطعم كتير رواق
تعاااد تعاد النزله الجاي ان شاءلله ......
#تعديل
عنوان المطعم منشان يلي عم يسألو ما كتير بعرف دل بس من دوار الشاطئ عاليمين شي ٥٠٠ متر او اكتر ع طريق رأس شمرا  سالو هنيك ..
ما صورت الفاتوره بعتذر ..
شكرا لكل يلي قلي صحا💙
الصحون اكبر من الصوره و اطول ... الطريقة يلي آخد فيا الصوره و الكميرا ما بتعطي الشكل و الحجم المظبوط %
هي الطاوله ل ٤ اشخاص و المشاوي و الفتوش ما قدرنا خلصناهن يعني كفونا
و كان في ابريق زيت صغير ع كل طالوله